El tunnel che no gh’è

Sarà stà sei anni fa,
co i giornài a far da coro,
che i n’ha dìto con gran pompa:
“Sarà l’anno del traforo!

Lo faremo a quattro canne!,
così il traffico, beato,
scorrerà lieve e leggero,
silenzioso e incanalato!

E vantaggi straordinari
tutti toccheran con mano:
d’improvviso code e ingorghi
spariranno dal Romano!”.

Ma le polveri sottili
a quel punto dove andran?
“Tutt’al più tutte a Parona,
o magari su a Poian!”.

Fra promesse e trattative
riva altri fine d’anno,
e ogni volta, imboressàdi:
“Del traforo sarà l’anno!”.

Ma cì è che mette i schèi?
“Gh’è za pronti tot milioni!
Bastarà dar altri spazi
par parcheggi e casermoni!”.

Ma la gara par l’appalto
quala sia no se capisse...
Qualche ditta interessàda
ogni tanto la fallisce...

“Ben, faremo sol due canne!”
...e in genàro torna el coro:
“È sicuro, chieti, gente!
Sarà l’anno del traforo!

Basta sol sentir ancora
l’Autostrada, el Ministero...”
Ma ’l progetto ancora sbanda...
el futuro l’è un mistero.

Fin che un giorno, de le cane:
“Se pol farne intanto una!...”
Un buseto? Gnanca quelo!
Se pol fàrghene... nessuna!

E scoprìmo che, de bale
impinando ogni discorso,
i n’ha imbidonà par ani
col contàr quela de l’orso!

Ma “C’è luce in fondo al tunnel!”,
i proclama ancora a spane,
imperterriti, impudìchi,
e imbottìdi ormai de cane!

Ma l’è solo un’altra bala...
ecco invero cosa l’è!,
parché forse gh’è la luce,
ma l’è ’l tunnel che no gh’è!