... come sempre a fine istà...

L’è rivàda, l’è rivàda!
L’è rivàda puntuale,
come sempre a fine istà,
la proposta demensiale
de impegnàr tuti i servèi
e de torse ancor la pena
de inventàr qualche sempiàda
qua par cuèrzare l’Arena!
Come sempre tutti i ani,
l’è stà ’l Sindaco a nunciàrlo...
e, come sempre, po’ i giornài
tuti pronti ad ossequiarlo!
Mai nessun che ghe domanda:
“Ma ne tollo ’ncora in giro?
Ma ne credelo dei bo
da tegnerne sempre al tiro?
Gh’è andà tuto de traverso?
Stàlo mal? Elo imbugà?
Hàlo fòrsi mescolàdo
el molon co la pearà?”
... parché za due anni fa
l’avea dito: “Chieti, gente!
Ora qua si fa sul serio!”
... e po’ no l’ha fato gnente!
Dèsso el dise: “Voj el cuèrto!
È l’Arena che lo aspetta!...
E stavolta, lo vedrete,
lo faremo in tutta fretta!”
El l’avea dìto in realtà,
in tanti anunci foravìa,
anca ben par el traforo,
par el bus e la tramvia...
Ma no importa: i giornalisti,
tutti quanti in zenocioni,
i riporta la proposta
con gran foto e titoloni!
Così el rito el se ripete:
lu l’annuncia na sempiàda,
e i giornài tuti obedienti
l’ha za bela impaginàda!,
... fin che more l’Arsenale,
e la cultura casca a tochi...
Lu el straparla, ma za tuti
ghe va drìo come i alochi!