Le difarense

I s’ha proposto in diese
pa ’ndàr su la poltrona
par diventare Sindaco
e amministràr Verona...
E tutti adesso i sbàra
promesse e gran proclami,
anunciàndo imboressàdi
quel che i farà domani!
Ma, sentendo i so discorsi,
te par che le promesse,
fate da l’uno o l’altro,
le sia sempre le stesse!
D’altra parte l’è da un toco
che quei che ne aministra
no sa la diffarensa
fra la destra e la sinistra...
Forse parché in poltrona
– de qua no se ghe scapa –
no i pol mìga dopo stàrghe
sentà de meza ciàpa!
Fatto sta che in quel che i dise
(ogni giorno na gran mole)
a vardàr ben te cati
le identiche parole:
“Siam scelti dalla base,
non ci ha mica imposto Roma!
Quel solo che ci spinge
è l’amore per Verona!
Dei capi nazionali
non ce ne importa niente!
Ci interessa solamente
quello che vuol la gente!
Staremo in mezzo a loro,
ai vecchi, ai pensionati!
Andremo negli ospizi,
in parrocchie, nei mercati!
E quello che faremo
in fretta, eccolo qua:
cultura, pace, amore,
turismo a volontà,
nuovi sbocchi e tradizioni,
pe’ i giovani il lavoro,
e poi la sicuressa,
la quiete ed il decoro,
ospedaali, bar, ospizi
sistemàdi come s’usa,
e strade e vicoletti
sensa gnanca più na busa!
... ché Verona, o cittadini,
abbisogna di uno scatto!,
d’un gran salto in avanti!
E lo faremo, dito e fatto!”
... Ghe fusse almanco uno
che ’l dise n’antra roba...
no so, che ’l vol na mensa
co i bisi ne la sboba,
e ossio e disoccupassion,
e ignoransa e inciviltà,
ospissi pa’ i butìni
e par quei che l’ha cunà...
No: de tutti i candidati
sentendo le sentense,
proprio no se capisse
quale sia le diffarense!