La farsa del “blocco”

Par essar sempre compiacenti
a politici e assessori,
i ne conta, sul giornàl,
solo quelo che i vol lori:
pronti sempre con ossequio
a scrivar ben soto dettato,
i ghe cambia a le parole
fin el so significato!
Cosa mai vol dir “mobility”,
“blocco auto”, “circolàr”,
“puntàr su l’educassione” ,
“tuto el traffico seràr”?
Le “domeniche senz’auto”
ha annunciàdo i caporioni!,
e ’l giornàl, sempre obediente,
ghe n’ha fato titoloni!
“Ci sarà blocco del traffico”
ha proclamàdo i assessori!
“Si vivrà per qualche festa
una città senza motori!”
In realtà, i ha serà solo
un spazietto picenin...
e anca solo poche orete!...
insoma, solo un pochetin...
E come al solito le macchine
i ha impestàdo la città,
e infin l’aria i n’ha lassàdo
tuta quanta invelenà...
fin che lori con orgoglio:
“Non facciamo confusion!
Noi le auto non fermiamo,
ma facciamo educassion!”
... che vol dir tegner lessioni
no pa ’l traffico seràr!,
ma spiegarne con cinismo
quanto è bello il respiràr!
Cosa mai i abia otegnùdo
ste lessioni, se lo sa:
che in città no se respira,
l’emergensa l’è aumentà!
Ma, imperterrito, el giornàl,
par la smania de ossequiar,
de “domeniche senz’auto”,
el continua a straparlàr...
e, scrioltolando le parole
co la solita so boria,
sensa più pudor el conta
propria tuta un’altra storia!