L’Ufficio competente

Ne gestisse la Cultura,
in Comune, in confusion,
n’Assessora e un so servente
che fa rima con sucòn...
D’eliminàr l’unico esperto
i avea tentà za l’an passà,
inventandose un bel bando,
che i avea po’ ritirà...
St’ano i g’ha provà de novo,
e, fra complotti e scondiroti,
i ha partorido n’antro bando
infarcì de becanoti!
I l’ha butàdo fora el sedese,
ma el scadeva a fine mese!
Gnanca el tempo no ’l lassava
par decìdar nomi e spese!
Quando tuti l’ha avvisàdi
d’aver scritto na sempiàda,
l’Assessora soridente
l’ha risposto un fià insustàda:
“Sono sol malvagi e tristi
quei che ci hanno criticato!
Siam sicuri che quel bando
vada ben: ... l’abbiam copiato!”
Sia dal pianzar che dal ridar
i s’ha in tanti rugolà...
el ridicolo soltanto
ai du geni gh’è restà!
No podea mìa funsionàr
quel ch’i aveva stabilìo!
I è tornà da quel de prima...
e i ha fato marcia indrìo!
Ma, no contenti d’aver fato
za na gran bruta figura,
i se n’ha inventàdo n’antra!
N’antra bota a la Cultura!
I ha rifatto tuto el bando,
prorogà i ha la scadensa...
e, par spiegàrghene ’l motivo,
i ha sbaràdo sta sentensa:
“... perché abbiamo preso atto,
con intuito eccezionale,
che alla fine di dicembre
ci son... le feste di Natale!”
L’è da secoli che tutti
le saveva con certessa!
Solo adesso i gh’è rivàdi!
I se n’ha incorto, che belessa!
Questi i dovarìa gestr
la Cultura de Verona!,
atenti ai palpiti, ai sospiri,
a quel che nasse e che funsiona.
Intanto, anca se par ciaro
che i sia sol boni da gnente,
lori i sèita a definirse:
siam... “l’ufficio competente”!